Rajinikanth confirms on Lingaa and entering politics

సూపర్ స్టార్ రజనీకాంత్ తన రాజకీయ రంగప్రవేశం గురించి మరోసారి ఊహాగానాలకు తావిస్తూ సంచలన వ్యాఖ్యలు చేశారు. ఇప్పటివరకు తన రాజకీయ రంగప్రవేశం మీడియాలో వార్తలు వచ్చినా ఎప్పుడు గట్టిగా స్పందించలేదు . ప్రతిసారి ఈ విషయాన్ని దాటేసేవాడు. అయితే రెండు రోజుల క్రితం బెంగుళూరులో రజని తన రాజకీయ రంగప్రవేశం గురించి మాట్లాడుతూ మీడియా ప్రతినిదులు అడిగిన ప్రశ్నకు అనేక అర్ధాలు వచ్చే విధంగా స్పందించడం కోలీవుడ్ మీడియాలో హాట్ టాపిక్ గా మారింది. రాజకీయాల్లోకి వస్తారా ? అంటూ మీడియా ప్రతినిధి ప్రశ్నించిన ప్రశ్నకు సమాధానం ఇస్తూ ‘దేవుడు నడిపిస్తే ఆ వైపు తప్పకుండా నడుస్తాను’ అని స్పందించడం బట్టి మరో రెండు ఏళ్ళల్లో తమిళనాడులో జరిగె అసెంబ్లీ ఎన్నికలను దృష్టిలో పెట్టుకొని రజనీకాంత్ అన్న మాటలు సంకేతంగా భావించాలని అంటూ కోలీవుడ్ మీడియా వార్తలు రాస్తుంది. రజనీకాంత్ పుట్టినరోజు సందర్భంగా డిసెంబర్ 12 న విడుదల అవుతున్న లింగా అనుకున్న విజయం సాధిస్తే రజని రాజకీయ రంగప్రవేశం ఖాయం అనుకోవాలి. ఇదే జరిగితే తమిళనాడులో పెను మార్పులు జరగడం ఖాయం .