హీరోయిన్ గా వెంకటేష్ పెద్ద కూతురు !!
తెలుగులో వెంకటేష్, మీనా జంటగా
నటించిన లేటెస్ట్ సూపర్ హిట్ మూవీ ‘దృశ్యం’. ఈ సినిమాలో వెంకటేష్ పెద్ద కూతురిగా నటించిన కృతిక జయకుమార్... నటిగా
మొదటి చిత్రంతోనే మంచి మార్కులు కొట్టేసింది. ఇందులో తన నటనతో ప్రేక్షకులను
కట్టిపడేసింది. ఈ సినిమా ఘన విజయం సాధించడంలో కృతిక పాత్ర కూడా ఎంతో కీలకం.
ప్రస్తుతం ఈ అమ్మడికి తెలుగులో హీరోయిన్ ఆఫర్లు వస్తున్నాయి.
తాజాగా ఓ చిత్రంలో హీరోయిన్ గా ఎంపికయ్యింది. శ్రీధర్
సీపాన దర్శకుడిగా మారి, బ్రహ్మనందం తనయుడు గౌతమ్ తో ఓ చిత్రాన్ని
తెరకెక్కించనున్నాడు. ఇందులో హీరోయిన్ గా కృతికను ఎంపిక చేసారు. ఈ చిత్రం త్వరలోనే
ప్రారంభం కానుంది. లవ్, ఎంటర్ టైన్మెంట్ గా తెరకెక్కనున్న ఈ
సినిమాలో కృతిక గ్లామర్ పరంగా కూడా మంచి మార్కులు దక్కించుకోబోతుందని చిత్ర యూనిట్
చెబుతున్నారు.
తెలుగులో ఒక్క సినిమాకే హీరోయిన్ గా అవకాశం రావడంతో ఈ
అమ్మడు ఆనందంతో ఫుల్ ఖుషీలో వుందట. ఇప్పుడున్న యువ హీరోయిన్లకు ధీటుగానే ఈ అమ్మడు
గ్లామర్ పిచ్చెక్కించనుందో లేక కేవలం నటనను నమ్ముకునే సినిమాలు చేయనుందో త్వరలోనే
తెలియనుంది.
Post a Comment