నాని కొత్త సినిమా మారుతితో!
చిన్న సినిమాల‌తో
సంచ‌ల‌న విజ‌యాలు అందుకొంటూ ప‌రిశ్ర‌మ‌ను ఆక‌ర్షించిన ద‌ర్శ‌కుడు మారుతి. `కొత్త‌జంట` త‌ర్వాత స్టార్ హీరోల‌తో సినిమాలు చేయాల‌నుకొన్నాడు. కానీ వ‌ర్కవుట్ కాలేదు. `కొత్త‌జంట` పెట్టిన పెట్టుబ‌డిని వెన‌క్కి తీసుకొచ్చినా… మారుతి తీత‌లో మాత్రం మునుప‌టితో పోలిస్తే ప‌స త‌గ్గిపోయింద‌నే కామెంట్లు వినిపించాయి.
సినిమాని విమ‌ర్శ‌కులు చీల్చిచెండాడారు.
దీంతో మారుతితో సినిమా చేయాల‌నుకొన్న ఒక‌రిద్ద‌రు
స్టార్ క‌థానాయ‌కులు కూడా వెన‌క్కిత‌గ్గారు. ఇక చేసేదేం లేక… సునీల్‌ని దృష్టిలో ఉంచుకొని ఓ క‌థ రాసుకొన్నాడు మారుతి.
రేపో మాపో సినిమాకి కొబ్బ‌రికాయ కొడ‌తార‌న్న
ప్ర‌చారం కూడా సాగింది. కానీ ఇంత‌లో ఓ టెక్నిక‌ల్ స‌మ‌స్య
వ‌చ్చి సునీల్ ఆ సినిమా నుంచి త‌ప్పుకొన్నాడు. అది మొద‌లు మారుతి క‌థానాయ‌కుల కోసం అన్వేష‌న కొన‌సాగిస్తూనే
ఉన్నాడు. బోలెడ‌న్ని క‌థ‌లు వెంట‌బెట్టుకొని
క‌నిపించిన క‌థానాయ‌కులంద‌రికీ చెబుతూ వ‌స్తున్నాడు.
తాజాగా నానికి కూడా ఓ క‌థ వినిపించాడ‌ట. ఆయ‌న సినిమా చేయ‌డానికి ఒప్పేసుకొన్న‌ట్టు కూడా ఫిల్మ్‌న‌గ‌ర్‌లో ప్ర‌చారం
సాగుతోంది. మ‌రి ఆ క‌థ సునీల్‌కి చెప్పిందేనా
లేదంటే వేరొక‌టి త‌యారు చేసి చెప్పాడా అన్న‌ది
తేలాల్సివుంది. త్వ‌ర‌లోనే ఈ సినిమా కొబ్బ‌రికాయ కొట్టుకొనే అవ‌కాశాలున్నాయ‌ని తెలుస్తోంది.
Post a Comment